الجمعة، 23 أغسطس 2013

ليتك تتفهمنى ولو قليلا !


أنت ترى أن الأمر بسيط .. وأنا أشعر أن للصورة أبعاد أخرى معقدة لدرجة تفوق حدود ادراكى / ادراكك بكثير .. ولكن لن أطالبك بأن تشعر بالمثل .. وأنت أيضا لا تطلب منى شىء سوى أن أتفهمك !

.......

تعرف يمكن المشكلة الأساسية ان كل واحد بيشوف وبيحس وبيتكلم من جوا نفسه .. لحد ما حس انه جوا المشهد .. ويمكن كمان اتحبس جواه بإرادته .. عشان كده مقتنع أوى ان كل لقطة بيشوفها لو فهمها هو و تقبلها يبقى ينفع الكل يشوفوها بسيطة ويتقبلوها زيه .. ولو مش حصل كده يبقى الطرف التانى مأفورها أوى وبكده مش هيبقى مستعد انه يتفهمه .. يعنى مش لازم يضيع وقته فى التعقيدات دى !

تعرف ان ساعات الموضوع بيتطور معاه انه بيبقى حاسس بمتعة انه هو لوحده اللى فاهم أوى كل حاجة وان المواضيع بالنسباله بسيطة .. بس يمكن لو خرج بره نفسه وبدأ يشوف كل حاجة من بره هيفقد المتعة دى لأنه هيحتار وهيحس ان حاجات كتير كانت مفترضة ومش حقيقية ومعقدة أوى .. هيعرف ان لقطات كتير مكانتش بالجمال والبساطة اللى هو كان بيشوفهم بيهم الا لما هو بنفسه بسطهم وجملهم أو حط عليهم من نفسه ومن معانى كتير جواه عشان يلاقى حاجة يمسك فيها أو يتسند عليها ويفتخر بيها ويعتبرها منقذه الوحيد


.....


متهيألى لو قدرت تخرج وتشوف المشهد من بره نفسك وقتها بس ممكن تقدر تتقبل وتتفهم الشخص المختلف معاك وعنك

هناك 3 تعليقات:

  1. جميلة اوى يا مروة ...:)

    ردحذف
  2. لكل منا وجهة نظر في الموضوع وتعتمد على مبادئه ومدى تمسكه بها .. وأفضل طريقة للنظر لأي موضوع أن ننظر إليه بزاوية المستعمين وليس بزاوية نفسنا فقط

    ردحذف
  3. احسنتِ!
    لكي نستطيع ان نفهم الصورة اصلًا علينا ان نُناظرها من الاعلى فقط حينها تستطيع ان تفهم كل الاطراف.

    كُل الود.

    ردحذف