الأحد، 9 سبتمبر، 2012

محاولات لفرفشة أم سحلول

جرى ايه يا أم سحلول يا اختى
أنا أغيب أغيب وأرجع ألاقيكى لسه مكتئبة
قطع أحمد على ضياء على الكل كليلة
هو يعنى اللى بقوا فى ريلاشن خدوا منها ايه ؟ ، ما هما رجعوا سنجل تانى
قومى يا ختى كده وروقى  .. ولا أقولك تيجى عندى تغيرى جو
والله ده انتى هتشوفى أم خليل وأم متحت وهتتبسطى أخر انبساط
فكرى كده وردى عليا

ده كان تعليق ( وصف الاحساس) لما عرفت ان أم سحلول مكتئبة

وراحت أم سحلول ، ويا عينى عليها رجعت مكتئبة أكتر  
اقرأوا تدوينة وصف الاحساس

أم سحلول عندنا يا مرحبا يا مرحبا 

وانتوا هتعرفوا ايه اللى حصلها 


هناك 12 تعليقًا:

  1. شفت التدوينة هناك وعلقت عليها جميلة وأسلوبها جميل..
    ..
    بس خدي بالك يا مروة انا مش هأفوت موضوع إنها تخرج من غير إذني ده،كان لازم تقولي !
    ولا أقولك حرام أظلمها..واضح إن إنتي اللي غصبتي عليها يا مروة..او بمعنى ادق ضحكتي عليها وقولتي لها جايبالك عريس جديد لقطة شاريكي و هيستتك ويهنيكي و يغرقك طرشي..قصدي فلوس ودهب وألماظ..لكن زي ما قلت هناك،خليل، متحت، الان ديون، مهند ، حسين فهمي، كل ده ولا ياكل معايا !
    ..
    ولعلمك انا برضة مش هأفوت الإهانة اللي إتهانتها ام سحلول هناك..بقى تفضل مكبوتة طول الوقت و مش عارفة تتكلم ولا ترد والأخر تطرد !! يا خبر إسود دا انا هاعيط !
    ..
    عموما،أنا منتظر الإفراج عنها..وعاوزها سعيدة و مبسوطة..لتاني مرة عاوزها سعيدة و مبسوطة..نفسي أسمع ضحكتها يا مروة،من أول ما اتعرفنا و مافيش غير بُكى و عياط ودموع !
    ..
    أشكرك يا مروة على جرعة الفرفشة و السعادة اللي بناخدها من عندك،يارب دايما في سعادة وفرح.
    ..

    ردحذف
    الردود
    1. انت ياابنى على طول ظلمنى كده
      أنا مالى يا خويا هى اللى راحت .. حد قالها تروح .. أدى أخرتها .. علشان بعد كده تحترمنى وتتكلم معايا عدل
      وبعدين أنا شمة ريحة تهديد .. يعنى ايه عايزاها سعيدة ومبسوطة !
      أعملها ايه يعنى ما هى اللى عفريتة نكدية ومش نافع معاها حاجة
      وكمان انت لسه اتهورت و انتحرت واتجوزتها علشان تبدأ تتحكم فى البنت ، أنا ولية أمرها وكمان مش بتسمع كلامى ولا بتاخد رأيى .. هتاخد رأيك انت بمناسبة ايه بقى ؟ ! الله يكون فى عونك ياأحمد .. نصيحة فلسع من أولها كده

      بجد شكرا لوصف الاحساس على التدوينة الجميلة دية
      وشكرا ليكم على تعليقاتكم اللذيذة
      يااارب دايما ميحرمنيش منكم .. أصدقاء مجانين زيى

      حذف
  2. مساء الغاردينيا ميرو
    أنتي فين هههههههههه وحشتيني أنتي وأم سحلول
    من عينيا هروح لوصف الإحساس وأشوف ام سحلول عامله ايه معاها :)"
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
    الردود
    1. مساء النور
      انتى أكتر ياريماس
      تسلم عينيكى ياقمر

      حذف
  3. والله انا احنا عنينا الاتنين لام سحلول انا افديك الساعه اما تنورني رغم ان الواد خليل معملش الواجب بس تلاقيه كان ضارب حاجة من ورا ام خليل .. معلش يا ام سحلول حقك عليا ام خليل بتسلم عليكي والبت سناء بتقولك ازاي تمشي من غير ما تسلم عليكي ..مسجات بقي
    احمد .. اذن ايه ال انت عايز ام سحلول تاخده عشان تيجي عندي هو احنا غرب ولا غرب لا ياخويا اطمن عليها خالص عندنا وخليل ده انا هادبه علي ال عمله معاها
    شكرا ميروو علي التنويه علي الموضوع ام سحلول دي حبيبتنا كلنا

    ردحذف
    الردود

    1. تسلمى يا وصف
      الصراحة هى تستاهل .. بس والله صعبت عليا .. أول مرة تتكتم كده ومش ترد .. ده لسانها طويل

      بجد فرحتينى أوى بتدوينتك الجميلة دية
      وأكتر حاجة فرحتنى انك دخلتى معانا مستشفى الجنان والعفرتة

      حذف
  4. مبروك أولا على شكل المدونة الجديد

    تاني حاجة معرفش إن أم سحلول حالتها وصلت لدرجة إن الجيران بدأو يفكرو في حل مشكلتها.. على كل حال أنا متأكد إن احمد هو السبب.. بس هو طبعاً مش هيعترف وهي يا عيني مكسورة الجناح وطيبة فمش هتفتنلناعليه

    ومن موقعي هذا عايز احرضها على الفتن.. افتني يا أم سحلول.. سيحي يا ماما ماتشيليش ف قلبك

    ردحذف
    الردود

    1. الله يبارك فيك يا ضياء
      ما أنا بقول ان أحمد هو السبب من زمان ومحدش عايز يصدقنى
      وبالذات أحمد

      حذف
  5. يا عيني عليكي يا ام سحلول وعلى اللي جرالك.. ماكنش يومك تتبهدلي البهدلة دي كلها.. لا بصراحة دة أوفر يا مروة.. لو منك ماسكتش.. ولازم آخد موقف من وصف.. موقف من اللي هو كدة.. فهماني طبعا
    لازم تاخدي حق أم سحلول وتداوي كرامتها المجروحة الجريحة.. يعني هي هتلاقيها من أحمد وللا من وصف..

    ده كله كوم وإن ام سحلول يتقال عليها ولية .. ده حمادة تاني أصلاً
    هههههههههههه .. بصراحة مش متخيل سحللة (ده اسم الدلع بتاعها) وهي ولية
    هههههههههههه

    ردحذف
    الردود

    1. مش تقلق هاخد حقها قريب
      بس الصراحة وصف ملهاش ذنب
      دية كانت عايزة تفرفشها
      بس كله من أمه متحت

      حذف
  6. اول مره اتابع ام سلحلول يبد ان الامر سيستهوينى

    دمتى بخير

    تحياتى

    ردحذف
    الردود

    1. نورت المدونة
      ويارب متكونشى أخر مرة

      حذف