مدونتى الحلوة
المفروض أقول هاى أو ازيك و أخبارك أو وحشتينى ولا أدخل فى الموضوع على طول؟ الصراحة مبحبش المقدمات ولا الأسئلة اللى إجاباتها محفوظة .... بس أنا بقالى كتير مكتبتش حرف هنا وذوقيا يعنى أقول أى مبررات .... بس معنديش والله ... طب ايه جابنى؟ محتاجاكى تسمعى صوت سكوتى عشان مش عندى كلام مهم وتعرفى أنا مخنوقة ليه وتساعدينى أعيط .... بس كده .. صعب؟
لو هجاوب بدالك فـ طبعا صعب .... سكوت ايه اللى هتسمعى صوته! وهتساعدينى أعيط ازاى وغددى الدمعية مسدودة وعايزة تتسلك ... تعرفى سباك شاطر؟ طب خلاص متزعليش بلاش عياط أصلا أنا والدموع عمرنا ما كنا أصحاب .... وبلاش سمعان صوت أى سكوت ليكون صوته وحش .... ركزى مع الخنقة ... عايزة اخفيها بس ... عشان خاطرى ؟ زمانك بتقولى ماليش خاطر عندك .... تصدقى عندك حق ... أنا ندلة ومعنديش دم ..... لو ينفع أعيطلك عشان أصعب عليكى كان زمانى مغرقاكى دموع ... بس مش عارفة .... اشمعنى انتى؟ عشان انتى مش بشر ... أنا أه بكلمك كإنك إنسان بس الحقيقة انك مجرد مكان افتراضى أو ورقة فاضية .... وأنا اتعودت مش أوجه مشاعرى السلبية ناحيه الناس عشان لما بعمل كده لما بيفلت منى أى فعل تحت تأثير المشاعر دى مش بنساه ومش بسامح نفسى وبيفضل يطاردنى زى العفريت ..... وعشان العفاريت مش تزيد بوجه المشاعر دى ناحية الأشياء .. زيك كده .... طول الوقت مشغولة فى انى أدور على شئ يحتوى مشاعرى السلبية وبلاقى .... كل لما أحس انى بفقد شغفى ناحية الشئ أو انه اتملا بيا وفاض ... بدور على غيره ... وبترعب لما مش بلاقى .... وأنا بقالى فترة مخنوقة جدا مش لأنى مش لاقية .... لا .... لأن الأشياء مبقتش راضية تقبل المشاعر السلبية اللى بوجهها ناحيتها ... اما بقى عندها عقل وفهمت اللى بعمله فيها أو ان المرة دى حجم المشاعر أكبر من قدرة احتمالها .... أيا كان السبب النتيجة دلوقتى انى مليانة وبتملى بيها ومش عارفة أطلعها حتى فى شوية دموع ... مش عارفة أتنفس ولا عارفة أتقبل كلمة حلوة بسيطة زى وحشتينى .... الـ 6 حروف دول مش لاقيين مكان جوا وبيضغطوا عشان يدخلوا بالعافية ... هما كمان مش راحمنى ... أنا بالظبط وسطهم زى سمكة برا المية بتفلفص وهى بتتخنق ..... ممكن بقى تساعدينى؟
المفروض أقول هاى أو ازيك و أخبارك أو وحشتينى ولا أدخل فى الموضوع على طول؟ الصراحة مبحبش المقدمات ولا الأسئلة اللى إجاباتها محفوظة .... بس أنا بقالى كتير مكتبتش حرف هنا وذوقيا يعنى أقول أى مبررات .... بس معنديش والله ... طب ايه جابنى؟ محتاجاكى تسمعى صوت سكوتى عشان مش عندى كلام مهم وتعرفى أنا مخنوقة ليه وتساعدينى أعيط .... بس كده .. صعب؟
لو هجاوب بدالك فـ طبعا صعب .... سكوت ايه اللى هتسمعى صوته! وهتساعدينى أعيط ازاى وغددى الدمعية مسدودة وعايزة تتسلك ... تعرفى سباك شاطر؟ طب خلاص متزعليش بلاش عياط أصلا أنا والدموع عمرنا ما كنا أصحاب .... وبلاش سمعان صوت أى سكوت ليكون صوته وحش .... ركزى مع الخنقة ... عايزة اخفيها بس ... عشان خاطرى ؟ زمانك بتقولى ماليش خاطر عندك .... تصدقى عندك حق ... أنا ندلة ومعنديش دم ..... لو ينفع أعيطلك عشان أصعب عليكى كان زمانى مغرقاكى دموع ... بس مش عارفة .... اشمعنى انتى؟ عشان انتى مش بشر ... أنا أه بكلمك كإنك إنسان بس الحقيقة انك مجرد مكان افتراضى أو ورقة فاضية .... وأنا اتعودت مش أوجه مشاعرى السلبية ناحيه الناس عشان لما بعمل كده لما بيفلت منى أى فعل تحت تأثير المشاعر دى مش بنساه ومش بسامح نفسى وبيفضل يطاردنى زى العفريت ..... وعشان العفاريت مش تزيد بوجه المشاعر دى ناحية الأشياء .. زيك كده .... طول الوقت مشغولة فى انى أدور على شئ يحتوى مشاعرى السلبية وبلاقى .... كل لما أحس انى بفقد شغفى ناحية الشئ أو انه اتملا بيا وفاض ... بدور على غيره ... وبترعب لما مش بلاقى .... وأنا بقالى فترة مخنوقة جدا مش لأنى مش لاقية .... لا .... لأن الأشياء مبقتش راضية تقبل المشاعر السلبية اللى بوجهها ناحيتها ... اما بقى عندها عقل وفهمت اللى بعمله فيها أو ان المرة دى حجم المشاعر أكبر من قدرة احتمالها .... أيا كان السبب النتيجة دلوقتى انى مليانة وبتملى بيها ومش عارفة أطلعها حتى فى شوية دموع ... مش عارفة أتنفس ولا عارفة أتقبل كلمة حلوة بسيطة زى وحشتينى .... الـ 6 حروف دول مش لاقيين مكان جوا وبيضغطوا عشان يدخلوا بالعافية ... هما كمان مش راحمنى ... أنا بالظبط وسطهم زى سمكة برا المية بتفلفص وهى بتتخنق ..... ممكن بقى تساعدينى؟
